الموضوع: سليمان الحمد العليان

سليمان بن حمد العليان

هو سلبمان بن حمد بن عبدالله العليان , من أعلام الشعراء في الساحة الشعرية العنيزية , ولد في عنيزة سنة 1377هـ , وبها نشأ ولم يفارقها يوما لعمل أو إقامة سوى فترات قصيرة لا تُذكر .. بدأ حياته الوظيفية في بترومين في الرياض عام 1397هـ , لكن عمله هناك لم يدم أكثر من ستة أشهر , ثم انتقل للعمل في بنك الرياض لمدة سبع سنوات , ثم انتقل إلى مصلحة المياه حيث أمضى فيها ستة عشر عاما , لينتقل في عام 1421هـ إلى إدارة التربية والتعليم مديرا للمشاريع والصيانة .. وفي جمادى الآخرة عام 1426هـ تقاعد تقاعدا مبكرا ليتفرغ ـ إن صح التعبير ـ للشقاء والأعمال الحرة .. متزوج ولديه ستة من الأبناء (أربع بنات وولدان) .
عرفته من فترة طويلة , لكني لم أعلم أنه شاعر إلا في فترة متأخرة , وقد فوجئت مفاجأة كبيرة بذلك , .. فلما اطلعت على نماذج من شعره وقفت أمامها مبهورا معجبا .
سليمان العليان على المستوى الاجتماعي شخصية (كارزمية) ساحرة مرحة جدا , لدرجة أنه لا يستطيع أن يعزل المزح عن الجد , وهو مع أصدقائه ومقرّبيه (يفل البساط أحمدي)
وهو إلى ذلك كله نقي السريرة واضح كل الوضوح , لا يحمل لغيره غلا ولا حقدا , ولست أظن أن مثله لديه أعداء , عطوف فيه نخوة تفوق حدود التصور , وله مع أصدقائه وأقربائه ـ حسب ما أعلم ـ مواقف رجولة وشهامة تُسجل بمداد من حرير وذهب . متحدث من الطراز الأول , نديم نادر .. متصدر للمجالس من غير إملال أو إزعاج , مطلع على الشعر وله علاقات قوية بكثير من شعراء الساحة على مستوى الجزيرة والخليج . وقد شارك في مناسبات أدبية إعلامية مختلفة , فقد شارك في برامج إذاعية وتلفزيونية في الإذاعة والتلفزيون السعوديين , وأحيا عددا من الأمسيات الشعرية , وأذكر أنه شارك في أمسية في قاعة النخيل وأخرى في مركز ابن صالح .
سألته ذات ليلة سامرة كنا فيها ثلاثة هو وأنا والشعر : ما أول قصيدة كتبتها ومتى ؟ فأغمض عينيه في لحظة تذكر ثم قال : لست أدري على وجه اليقين , لكني أذكر قصيدتين من أولى قصائدي ,ومطلعها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]

أمس وأنا ماشي مع السوق بالهون=عرّض اللي كنه الريم محلاه[/poem]والأخرى يقول مطلعها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياناوي المسفار في يوم الاثنين=يم الرياض اللي بها الخل نزّال[/poem]

وكلتاهما قيلتا عام 1396هـ .
ويقول عن البدايات إنها أخذت شكل المعارضات الطريفة , مثل :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
إلى مني حضرت الدرس ساعة=تحدّنّي همومي وأشغلني
أهوجس كن ما حولي جماعة=أحس إن المدرّس كد سجنّي[/poem]

وقد أولع في بداية حياته ـ انسياقا مع شخصيته المرحة ـ بالمفاكهات والقصائد المضحكة المازحة , كقوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياتيسٍ عند القرعاوي=صغيرٍ كله بلاوي
ما غير يصيّح ويصاوي=ما يسوى له نص ريال[/poem]

وقوله في نقد الفحطين في البر , المزعجين للمكاشيت :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يالخبل الموذي وش صابك=غرك تقديرك وحسابك
مدري بك شي ينتابك=أو تسكن وسطك جنّيّة ![/poem]

ومنها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
جيبك بجنونك خرّبته=من شيٍّ ما تقوى كبته
وأوذيت الكاشت والنبته=كنّ أرض الله لك مخليّه[/poem]

ومن قصائده الفكاهية قوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لي حظٍّ نيمٍ في غرفة=ما يومٍ لي رفع طرفه
قطع حبال المعرفة=وأنكرني بكل الحالات[/poem]

وله مداعبات كثيرة , لكن أكثرها غير قابل للنشر والتداول العام لشدة خصوصيتها ولأنها تحتوي على أسماء وشخصيات .
وسليمان العليان كغيره من الشعراء نظم في كافة الأغراض تقريبا , لكنه يبقى أولا وأخيرا شاعر غزل . فمن شعره في عنيزة قوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام يا دارٍ للاخيار نوماس=سلام يا دارٍ غلاها سكنها
هذي عنيزة ذكرها رافع الراس=والمجد منهجها وفيها ومنها[/poem]

ويقول في قصيدة أخرى :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هذي عنيزة ديرة الماضي المجيد=والحاضر الزاهر بفعل رجالها[/poem]

وواضح أن هذه القصيدة معارضة لأم القصائد الحربية قصيدة الخياط الشهيرة (هذي عنيزة ما نبيعه بالزهيد) .
وأبوحمد رياضي كذلك تشجيعا لا ممارسة .. قال بمناسبة فوز الهلال على النصر وفوزه بكأس الملك عام 1409هـ , مباراة الثلاثية الشهيرة :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يهلال في غيرك حشا ما تغنّيت=وأنت المحبة وأنت نبع المعاني[/poem]
وفي قصيدة أخرى يقول :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بين الحقيقة والخيال=قصة لها الأزرق روى
قصة أمل فيها أشرقت شمس البطولة للبطل[/poem]

من قصائده العزيزة على نفسه قصيدة وجّهها لابنه الأكبر حمد عندما كان صغيرا , يقول فيها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
شف ياحمد جرحي وأنا اللي تهيّبت=أبيّن أحوالي لكل الخلايق
وابوك من حظي والأيام شيّبت=لين أودعت بي من لظاها حرايق
شالتني أيامي وأنا ما تزهّبت=وأعطتني الدنيا كثير الحقايق
حلّقت في عالي سماها وغيّبت=لو كنت للتحليق مانيب طايق
تكسّرت جنحاني اليوم وانْصبت=ولا نيب للي ترغب النفس فايق[/poem]

وله مرثية في والده عليه رحمة الله , يقول مطلعها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وابوي عقبك بالكرى ما تهنيت=والوقت لو يصفا فأنا ما صفا لي
جربت فقدك واحسايف تعنيت=ومنوّلٍ ما يوم همّه طرا لي[/poem]

وله في الأسهم قصيدة يقول فيها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
السوق نازل والمخاسير بصعود=والدين راهي ما يبي من يزيده
هنيّ من عنده عقارات بعقود=مردودها في كل عام يفيده
لا عاد هو ناشد ولا عنه منشود=مرتاح من سهمٍ طعونه سديده
بيده رياله بالسهاله وبالكود=والزود عند البنك حسبة رصيده
إلى صحا يفطر على خبز مفرود=مع فول مع كبدة وقشطة جديدة
لا ضغط لا سكر ولا حكة جلود=ولا به القولون يمهن كديده
أتلى نهاره باستراحته موجود=رِجلٍ على رجلٍ ونفسه سعيده
ماله بتحليل الشبكشي ومسعود=هي زانت أو شانت أو أمست عصيدة
وإلى نوى المسفار تلفن لمحمود=يمسح طريقه بالديار البعيدة ! [/poem]

وعنما أسمعها الشاعر صالح الكريدا , وقال له : إنه لم يكملها بعد , قال له صالح : خلاص لا تكمّل , وصل الهدف .. وقد صدق .
في نهاية العام الدراسي هذا طلبت إليه ابنته (وصايف) أن يكتب قصيدة كي تلقيها في حفل مدرستها الختامي , بمناسبة تخرجها من الصف السادس الابتدائي ! قال لي : لما طلبت ذلك رأيت أنه من غير المناسب أن أكتب قصيدة نبطية لتلقى في مثل هذه المحافل التربوية , فكتبت قصيدة بالفصحى , يقول مطلها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قبل الوداع وعن باقي زميلاتي=وقفت رافعة أسمى تحياتي[/poem]

وله قصيدة بالفصحى أيضا لم تكتمل بعد حسب قوله , قالها في الملك عبدالله حفظه الله , وفيها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لله درك عبدالله من ملك=أخلصت للدين والإنسان والوطن[/poem]

وواضح أن قصائده الفصيحة ـ على قلتها ـ ولم أسمع منها سوى المدوّن هنا تنحو منحى الرسمية , والرسمية والإبداع ـ في ظني ـ كالتنوين والإضافة لا يلتقيان !
أما سليمان العليان شاعر الغزل ففاتن المعاني ساحر الأساليب , قصائده مزيج من دموع وشكوى ملفوفة بالغموض .. يبدو أنه خاض تجارب دامية , وكثير من خاض مثل تلك التجارب , لكن سليمان عبر عنها بغموض لم يتضح منه سوى قطرات من دموع , ودموع الرجال دموع حمراء ! ليس بيدي الآن نصوصه لأبين هذه السمة الثابتة في غزله , لكن اقرأوا قصائد وابحثوا عن الدموع ستجدون الكثير منها .
من اجمل قصائده قوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ابتعدت أيام ثم اشتقت لك=واشتكيت الوقت لكن ما اشتكيك
أنتي وقتي والهواجس مدهلك=هاجسٍ يبكيك وآخر يحتويك
وأنت مشواري وحبك لي فلك=أرتفع به وأستديره وأرتجيك[/poem]

وقوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أفقدك بدروب المقادير وألقاك=وأبعد وأقرّب للخطاوي محلك
ماقول ضاع الوقت في دُورة رْضاك=لو كان قلبي ما حصل يدلك[/poem]

ومنها البيت الشهير :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ما أبكيك والله لو تماديت بأَخطاك=أخاف عيني لا بكيتك تهلّك ![/poem]

يقال إن الأستاذ عبدالرحمن البطحي ـ رحمه الله ـ عندما سمع هذا البيت وضع يديه على رأسه وقال : ول ول حسبي الله عليك ! وشلون وصلت ! كما قال الأستاذ سليمان الهطلاني : منين جيت ووشلون وصلت !

ومن قصائده الحلوة :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الصوت لك يامتعبه وينك عنه=والصمت لاجلك في ثناياه الكلام[/poem]

ومنها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أنت السفر والسالفة والهيجنة=وأنت المسافة والدليلة والمرام[/poem]

ومنها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مدري سكنك البعد وإلا تسكنه=وإلا عبرت النور مع جسر الظلام ![/poem]

وواضح ما في هذا البيت من صورة غامضة مموهة ثلاثية الأبعاد بألوان متموّجة , لكنها ـ بصراحة ـ آسرة عذبة . عندما سمع البيت صالح الكريدا قال : قف ! ماذا تقصد ؟ وكيف عبرت النور مع جسر الظلام ؟!فرد عليه أبوحمد : أنا قلت وأنت عليك أن تفهم ما تريد ! وهذا رد نقدي دقيق وصحيح أيضا , فالنصوص الأدبية الرائعة هي تلك النصوص المفتوحة على العديد من التفسيرات , وكلما تعددت التفاسير زادت قيمة النص الفنية , وليس شرطا أن نفهم مقصود الشاعر , ومقصود الشاعر الأساسي عادة يكون خاصا وليس من الضروري الاطلاع عليه , المهم تفاعلنا نحن مع النص , والمعنى هو الذي نفهمه ولا يهم غيره . قيل لأبي تمام : لمَ لا تقول ما يُفُهم ؟ فرد : ولمَ لا تفهم ما يقال !قال لي أبوحمد إن الدكتور سعد أخذ أوراقا فيها قصائدي وأخذ يتأملها وأنا جالس عنده , وفجأة رفع عينيه إلي وقال : وش يبي سليمان العليان ؟ فرددت عليه : وش تبي أنت ؟ وهذا السؤال وذلك الرد داخلان في هذه القضية التي نقررها هنا .

من أجمل قصائده كذلك تلك التي يقول مطلعها :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قلت الوعد يا مشغل البال الاثنين=قال الثلاثا قلت ما نيب طايق
طال انتظاري وأنت باكر وبعدين=كنك مع أيامي تزيد العقايق[/poem]

وأجمل ما فيها البيت الأخير الذي رقرق الدمعة في عيني عندما سمعته لأول مرة , وهو :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وقال الوداع ..! وحارت العين بالعين=وكلٍّ بنا من علقم الياس ذايق ![/poem]

يا ألله ..! (حارت العين بالعين!) هذا تعبير يذيب القلوب الحية !
وفي نفس القصيدة بيت يُصنّف من ذوات المعاني الخفية متعددة التفاسير , وهو قوله :

[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
قلت انتبه ما يقبل البيت شطرين=وطروقهن متخالفات النسايق ![/poem]

ومما يُصنّف في هذا الباب أيضا قوله :

[poem=font="Simplified Arabic,5,orangered,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إيه أنت الأول ودوك الروح شاورها=أو هي معك .. خلها .. ما عاد تعنيني ![/poem]
. . . يتبع

من سمات أسلوبه الجنوح إلى قلب الصور , يقول :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
رمى عصا الترحال عقب الكلافة=وأومى يبي من دلة النوم فنجال
صبّه لهوجاس لزم له وضافه=وعينس تراعي شفّها بين الأزوال[/poem]
والمعروف أن الدلة والمقصود بها القهوة يُلجأ إليها للإفاقة وإزالة النوم لا لجلبه !
ومن قلب الصور عنده أيضا قوله :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
العذاب ارتويته من ثمايل جفاك=والعزا بك لقيته بالمواقف طريح[/poem]
والثمايل وهي المياه المتجمعة تكون عادة للارتواء لكنه استعملها هنا للعطش وهو الجفا !
وفي قوله :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
خذ فرح عيني وعطني مدمعك=لا .. خذ اللي تهتوي وأمرك مطاع[/poem]
قال الدكتور سعد الصويان : إنه اختصر تعابير الفرح والحزن في العين وحدها هنا !
ولأبي حمد قصيدة قصيدة غزلية عذبة التزم فيها مالايلزم , فجعل كلمة القافية في الشطر الأول هي نفسها في الشطر الثاني مضافا إليها الألف مثل (اليوم / الأيام ـ قدوم / الأقدام ) وهكذا , يقول ك
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياعيدي اللي فات وياعيدي اليوم=أزرت بعيد الدار تدنيه الأيام
أسري على طرياه وأرجي له قدوم=مع دربٍ من العام تاطاه الأقدام[/poem]
ولسليمان قصائد لا يمكن أن يتجاوزها القارىء أو يمر بها مرور الكرام .. قصائد تشعر بها قلبا يتفرّى من الألم , ويذوب من الحسرة , قصائد تسيل على حروفها دماء الشرايين , وتلفها دموع الوجد , على خلفية من موسيقى الأنين والنشيج يقول :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
مجروح أنا يابنت الأجواد مجروح=تكفين توّ الجرح لا تقربينه !
هونك على قلبٍ من شوي مذبوح=ذبّاحته باسم الوفا ذابحينه !
دوبه ينازع بس ما سلّم الروح=بين الحنايا يصطفق من حنينه ![/poem]
وله قصيدة يسميها أصدقاؤه (الشيخة) وهي حقا شيخة , يقول مطلعها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياحمود لا تنشد عن الحال وتسال=أظن مالك من جوابي مصاليح[/poem]
ومنها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لا تكشف المستور ياطيّب الفال=يغنيك عن ذكر التفاصيل تلميح
ارفق على قلبٍ مغلّق بالاقفال=لا عاد به حيلة ولا له مفاتيح
البال به ضيقة من القيل والقال=والضيم سيفه بذّح الكبد تبذيح
ياحمود ما والله بقى شي ينقال=ولا بقى بالهرج راحة وتفريح[/poem]
ومنها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياحمود كلٍّ يلبس شماغ وعقال=والفرق مع طيب النبا هبّة الريح
كلٍّ يرى نفسه مع الناس رجال=لو هو من اللي بالرزايا سوابيح[/poem]
ومنها :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
المرجلة ماهي سواليف وفنجال=وإلا ولايم دسّمتها المفاطيح
المرجلة شيمة وقومات وإقبال=وأفعال تبقى لليالي مصابيح[/poem]
ومن قصائده التي أخرجتها كبد مشتعلة قوله :
[poem=font="Simplified Arabic,5,crimson,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياراحتي عطني يمينك مدّها=خذ غايتي وإن ما صفت لك ردّها
جيتك وقلبي بالحسايف منتهي=والروح بفراقك حشا ما ودّها[/poem]
. . إلخ
هذه رحلة سريعة في عالم الشاعر المبدع سليمان العليان حاولت أن فيها صورة حقيقية عن سليمان الإنسان والشاعر , وأن أغوص فيها على شغاف قلبه لألتقط صورا حية لطبيعة تفاعله مع الحدث العاطفي .
لم يطبع له ديوان , وهو شاعر مهمل , يكتب القصائد على أوراق ويتركها إما في السيارة أو في جيبه أو في مكتبه .. وربما نسيها , وبعد تركه الوظيفة , وانشغاله بالأعمال الحرة أصبح أكثر انشغالا وإهمالا , ولكن لعل ابنه حمد الذي ساعدني على تكتيفه وإقناعه بالنشر أن يحفظ قصائده , وقد وعدني بأن يرسل لي كل القصائد مكتوبة لأجل أنشرها هنا .
وللجميع تحياتي
كتبه روح التميمي

* * *


(فيما يلي كلمة سبق أن كتبتها تقديما لبعض قصائده)

صديقي الشاعر الكبير العذب الساحر/ سليمان الحمد العليان , قد لا يعرفه الكثيرون مع أنه عند التصنيف يقف في طابور الدرجة الأولى من شعراء عنيزة الشباب ( يستاهل أبو حمد !) , لكنه ولشديد الأسف ربما يكون غير معروف بالنسبة للكثيرين من متذوقي الشعر الأصيل , والسبب يعود إلى سليمان نفسه لأنه يقول الشعر ويبقيه في أدراجه , لاعن فلسلفة خاصة ترى الخصوصية في الإنتاج , ولكن لعدم المبالاة والاهتمام بالجانب الإعلامي , ولأنه كثير الانشغال وهو يعتقد أن النشر فيه الشر , وهو غير مستعد لتبعات الشهرة . . طلبت منه قبل سنتين أن ينشر فوعد وأخذ يسوف ( وإيه وإن شاء الله . . ومن هالتصريفات ) . وليلة الخميس الفائت (كتب هذا الكلام في شعبان 1426هـ)زارنا في الاستراحة, وقضينا وإياه سهرة خضراء , تنقلنا خلالها قي بساتين إبداعه , وحلقنا معه في أجواء من الخيال الحالم الساحر . . وأعدت عليه الطلب القديم وطلبت منه أن يزودني ببعض القصائد لأنشرها أنا بنفسي في ها المنتدى , وذكرته بواجبه الوطني تجاه بلدته , فأخذ شيطان امتناعه يترنح حتى أجهزت عليه ! فوعد وفي ظني أنه يريد التخلص من الموقف بلباقة . . لكنني لم أمنحه الفرصة فاتصلت به بعد يومين مذكرا بالوعد , فلما أحس الجد هذه المرة , قال وكأنه يتجرع السم : (خلاص عندك حمد <ابنه>خذ منه اللي تبي)! ولما كان من الغد اتصل بي حمد مستبشرا متهللا , وقال : ماذا فعلت للوالد ! أنا منذ سنوات وأنا أحاول معه وهو يرفض . قلت : رقيته هذه المرة برقية العقارب ! فأفلحت وآتت ثمارها فأعطني ما لديك وأسرع قبل أن يغير رأيه !

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
مشاهدات وسط السوق

دخلت البارحة للسوق أبشري لي قفيز ولي=وبعض أغراض لعيالي تبي من يكثر الحومه
ودخت أبحث عن الموقف قدر ساعة وزود شوي=مشى هذا .. وقف هذا .. والإشارات مزحومه
والى واحد معه خرقة يقول (ستوب,مشكل ني)=صديق انتا يبي موقف , أنا كتير معلومه
وإذا يبغى يغسل كار إنتا فيه فلوس سوي=انا (جلدي ), كتير (كلين ), وهو ما نظف هدومه
وراس المال خرقة خام وصابون وسطل المي=تلخبط به كثير ألوان معروفه ومعدومه
ترجاني وحاول بي وبهذلني , وقلت (اوكي)=وانا سيارتي والله من يومين مخدومه
وخليته على كيفه ورحت أشري حوايج مي=وخالد له مطاليبه ,وست البيت ملزومه
وانا ماشي بهالزحمة غريب لسان وايضا الزي=شماغي طاح وعقالي ضاع وثوبي راحت كمومه
أنا هالحين في دلهي , او اني صرت في بومبي=اشوف اجناس مختلفه لغتها غير مفهومه
رطاين والسن ترطن .. (كي هالي .. تيجا هي)=و(تورا تورا ). مع (أجا ), وبعض حروفه مقطومه
احد بايع واحد شاري , واحد يركض على لاشي=و(كتنا بيسو , إيك و : دو ), مع البايع وللسومه
وهذا ينشد الثاني يريد العرف( كي نام هي)=يهز الراس مستانس مع اللي شاف من قومه
وهذا سايق التكسي بدا(جنجال) .. وكله غي=مع آخر شال له راكب , وهو يتناه من يومه
وهذا باع بقاله على ثاني بوسط الحي=وشرطه للكفيل اتلا الشهر يعطيه مقسومه
حقايق شفتها بالعين ما تعتاز ومضة ضي=واخاف الخافيات اعظم , ومنها العين محرومه
ورحت اضحك ورحت أبكي وفي قلبي شديد الكي=نسيت اللي من اجله جيت ونفسي فيه محتومه[/poem]

* * *

وهذه معارضة لقصيدة الشاعر فواز رحيّل العنزي الشهيرة , التي يقول مطلعها :

[poem=font="Simplified Arabic,5,darkblue,normal,normal" bkcolor="white" bkimage="" border="double,4," type=2 line=0 align=center use=ex num="0,black"]
أنا مشتاق أسولف لك وأعيد الماضي اللي راح=لو إن الحاضر اللي فيه حنا ما اهتنينا به[/poem]

يقول سليمان العليان

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
أنا كلي معك مسرى

أنا ودي أسولف لك بهم اليوم واللي راح=ياأجمل هم عايشته وقلبي له فتح بابه
تفضل وحدك القادم بقلب بالرجا صداح=بك أفراحه بك أحزاته بك حضوره بك غيابه
أنا وإياك بالماضي خلطنا جدنا بمزاح=تمادينا وجاملنا وكل شام بعتابه
وحاضرنا جنينا به كدر ومقاطعة وجراح=وش اللي نرتجي بالله بوقت ما اهتنينا به
غدينا مثل من ذاق الخساير بعد حلو أرباح=تعذر في مقاديره وهو بلواه بحسابه
تعال أنسيك وتنسيني قشر وقت بوجهه شاح=ويصير الحلم والواقع بعين الوقت وأهدابه
تعال افتح معي صفحة جديدة كودنا نرتاح=ونبدا حيث وقفنا نتم اللي بدينا به
أنا أذكر إني أهديتك قلم وكتاب مع مسباح=وصورة بيت به صورة وقلت :الله . . جذابه!
وتذكر يوم تهديني عطر في تولته فواح=وشعر فيه تشكي لي عذاب القلب وأسبابه
حلاوة أمسنا هذي نبيها يومنا يا صاح=إذا تسمح توافقني نرد الحق لأصحابه
أنا أشوف السعد مقبل سنا برقه لعيني لاح=تباشر به عقب غيبه فياض القلب وشعابه
أنا كلي معك مسرى وأنا كلي معك مرواح=أسولف لك وسولف لي عن اللي غابوا أحبابه
لاجل ودي تسولف لي بهم اليوم واللي راح=ياأجمل هم عايشني وقلبي له فتح بابه[/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
أخاف عيني لا بكيتك تهلك
أفقدك بدروب المقادير وألقاك=وابعد واقرب للخطاوي محلك
ما قول ضاع الوقت في دورة رضاك=لو كان قلبي ما حصل له يدلك
بالروح مرواحك وبالعين مسراك=والقلب عن شمس المضرة يظلك
أنت الغلا كله ودنياي دنياك=وأنت أول أفراح بها مستهلك
ما كنت أعرف الحب لولاك . .لولاك= لين ارتويته من حنانك وكلك
يا شوق من دوبه تعبر وغناك=في لحظة شاف الوفا عادة لك
ما بيك تنهي بين الأحزان مبداك=ما بيك تبدا من طريق يملك
أخفيت عن كل المخاليق ممشاك=من شفت مشوار المحبة يذلك
وخليت للقلب الشقاوي مناجاك=مع ذكريات قلبها نابض لك
تنفست من بين الأضلاع ذكراك=وفاحت بها أشواقي وعيت تزلك
بس أتبعك بالبال منا . . ومناك=كود الليالي وإن جفتني تعلك
ما أبكيك والله لو تماديت بأخطاك=أخاف عيني لا بكيتك تهلك
قرب رحيلي والمشاعر برجواك=وخطام فكري للضماير يتلك
واسري مع الهوجاس واذكرك . . وانساك=ما دمت أحقق بالنوى رغبة لك[/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
إلى محبوبتي ( . . . ) قبل القرار
سألتيني من أنت؟ وكيف سارت بك الأقدام؟=وجيت منين؟ ورحت لوين؟ وليلك دافي أو شاتي؟
سألتيني . . وشفتيني جواب وجملة استفهام !=وأنا من حيرتي والخوف أباعد عنك نظراتي
وقلتي : يا ولد سولف ترى بعض السكوت إعدام=تراني مت من قبلك بكتماني معاناتي
نهض لك صوتي المبحوح وكله حيرة وإقدام=تهزه عبرة حية بصدر فاض بآهاتي
وجاوبتك وأنا مدري من العاذر من اللوام!!=وقلت : المعذرة يابنت إلى طولت باسكاتي
أنا اللي خانني حظي وهدت حيلي الأيام=تعبت أركض ورا أحلامي وأدور بينها ذاتي
وصلت الشرق والمغرب ودجت أرض اليمن والشام=وصارعت البحر والموج وقصف العاصف العاتي
سريت بداجي دامس وجربت السفر مجهام=وطيت الشوك والرمضا بروحاتي وجياتي
أنا اللي بك عرفت الحب ورددت الغزل بهيام=نظمت أشعار وله غنيت وجت بك أجمل أبياتي
تخيلتك عزيزة تنبذين الموذي النمام=وإلى مريت بأقرانك أزود بك مباهاتي
تخيلتك قبل غيرك نقية ما غشاك عتام=على وضح النقا سرتي وصيتك يسبق أصواتي
إلين إني وصلتك لهفتي لك سايق وخطام=وهان أمر التعب عندي ولو طالت مسافاتي
حسبت إن السعد من جيت لك في جونا حوام=ورحت أبني بك آمالي وأحس أوقاتك أوقاتي
على شانك نسيت الذات وجرح العام وقبل العام=عطيتك كل ما أملك ولا قد قلت لك هاتي
عطيتك راضي مخلص وأحس إنه علي إلزام=وأحس إني معك قصرت وان كثرت عطياتي
ومع هذا تلايمتي مع اللي عن همومك نام=وأنا حصلت بصدودك ونكرانك مجازاتي
أحس إني غريب عنك من راسي إلى الإبهام=وأحس إني من إحباطي كرهت أحياي وأمواتي
جنيت اللي جنيته من عذاب ومظلمة وأسقام=ولا فكرت حين ألقاك شي مثل ذا ياتي
كوتني جمرة الغيرة لو إني منك أنا منضام=ولا أدري ويش أسوي لك إلى عفتي مخاواتي
وهذي زبدة الهرجة وأنا من عادتي شوام=أكمل لك ؟ . . أظن أسكت ! ولك أجمل تحياتي[/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
وقال الوداع . .وحارت العين بالعين!!
قلت الوعد يا مشغل البال الاثنين=قال الثلاثا قلت مانيب طايق
طال انتظاري وأنت باكر وبعدين=كنك مع أيامي تزيد العقايق
قال ابتديت المشكلة . . ول! ياشين=وش بك نثرت الشوك وسط الحدايق
قلت العفو . . عندي رسالة بسطرين=كتبتها لك في جميل البطايق
أبيك تقراها وبالذات حرفين=فيهن مشاعر صدق. . فيهن حقايق
قال الحكي واجد ومثلك كثيرين=قالوا . . وقالوا . . والنهاية بوايق
قلت انتظر ماني من الناس الاقصين=بيني وبينك يشهد الله وثايق
من يوم كنا باول الوقت طفلين=تمضي بنا الساعات مثل الدقايق
بسويقنا الضيق . . وببيوتنا الطين=نلعب . . لنا باللعب فن وطرايق
يحفنا نور السعادة بريين=كل له الثاني مناسب ولايق
قال الزمان اللي ذكرته غدا وين=أقفى بحلوه ما بقى له لحايق
صرنا كبار . . وعن بعضنا بعيدين=وظروفنا ما بين طارد . . وعايق
قلت الوفا واجب على شايل الدين=ما هقوتي يبقى للاعذار سايق
حنا غدينا يا هوى البال حرين=وطيورنا باوسع فضاهن طلايق
ودي بلم الشمل باغفاية البين=دامي شفوق لك بعد . . وأنت شايق
قال استمعني يا نظيف المضامين=الحال واحد . . والمشاعر حرايق
واجد بهالدنيا قلوب ومحبين=واحوال مختلفة . . ونايم . .وفايق
وأنا أبيك أمس(ن) وباكر وهالحين=والبال مع طرياك هايم ورايق
والقلب شرع لك من الحب بابين=لو هو على غيرك من الناس ضايق
بس انتبه ما يقبل البيت شطرين=وطروقهن متخالفات النسايق
يا صاحبي لا تدعي النار نارين=ارفق ترى مثلي ومثلك خلايق
وقال الوداع . . وحارت العين بالعين!=كل بنا من علقم الياس ذايق [/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
أنت السفر والسالفة والهيجنه
الصوت لك يامتعبه وينك عنه=والصمت لاجلك في ثناياه الكلام
والنظرة اللي بك هدفها ترهنه=حارت معك بين التجني والملام
ياحلمي التايه بهم الهيمنه=لي عندك الغفلة ولك عندي مقام
مدري سكنك البعد وإلا تسكنه=وإلا عبرت النور مع جسر الظلام
تذكر سواليف الغلا ذيك السنه=يوم المشاعر بيننا برد وسلام
كنا حقيقة مع خيال نفتنه=باسفارنا بين الثريا والغمام
خليت لك من غالي العمر أثمنه=وخليت لك في وجهة القلب الزمام
أنت السفر والسالفة والهيجنه=وأنت المسافة والدليلة والمرام
ودي أسولف لك سواليف أزمنه=مرت حياة باقي منها الحطام
بعدك لقيت أصعب زماني وأحزنه=بين الحسايف والتمني والهيام
تكفى استمع لحظة لصوتي وادفنه=لا . . لا يصير الصد لاحساسي لجام[/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
بس لا تطري مع الشكوى وداع


تشتكيني أنتبه لك وأسمعك=بس لا تطري مع الشكوى وداع
خابر(ن) قلبي معي وأثره معك=إن نويت البعد خلاني وضاع
جايز أسلى عنه إنه ينفعك=أويدلك سكتي عقب انقطاع
لكن أخشى ما يقوده مرتعك=وأفقدك وإياه من غير اقتناع
أتبعه . . وين أتبعه. . وإلا أتبعك؟=حيرة(ن) تاخذ بها الضيقة متاع
سيدي لو منت والله ما امنعك=امش لي قفلة وأنا أمشي لك ذراع
خذ فرح عيني وعطني مدمعك=لا . . خذ اللي تهتوي وامرك مطاع
واملك أوقات(ن) بقربك تجمعك=واسمع أسرار(ن) لغيرك ما تذاع
كايد المشوار لا . . لا يقطعك=دام لك بأرض الرجا شف(ن) وباع
واطلب الغالي وألبي وأسمعك=بس . . لا تطري معه كلمة وداع![/poem]

* * *

[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
السالفة


تنشد عن السالفة ؟ . . خذها من آخرها =من واقع الحال وآهات(ن) تخاويني
جيتك وروح الفرح تضحك نواظرها=تبعد بالاحزان عن دربك وتدنيني
ما غير أهوجس بحلو أيام خابرها=واستعرض الوقت ما بينك وما بيني
كله قصيدة وأنا اللي صرت شاعرها=وأنت المعاني من الوجدان ترويني
جيتك مشاعر طرية طاب خاطرها=مستجدي رضاك ! لا . . ما بيك ترضيني
أرجي بروقك ولو ما بان ماطرها=وإن غبت عني بقت صورتك في عيني
ما كنت أظن الحسايف منك أعاشرها=لين ارتفع للجفا صوت يناديني
وأرسلت لك صرخة(ن) صمتك محاصرها=وأشوف عينك تقول : اليوم ترجيني!
إيه أنت الأول ودوك الروح شاورها=أو هي معك . . خلها . .ما عاد تعنيني
هذي هي السالفة . . جت لك بقاصرها=ما ظنها وإن بقت بالبال تغنيني[/poem]

اشكرك اخوي روح التممي المبدع

على هذا التقرير عن الشاعر سليمان العليان

انا اعرف ابو حمد منذ مده طويله واعرفه عز المعرفه

لا كن لم اعرف انه شاعر الا من مده قصير لا تتجاوز السنتين

وبعد ما علمت انه شاعر لم اتصور انه بكل هذه القوه والجزاله

وماقول الا ان ابو حمد اذهلنا بشعره وقصيده

والله يعطيك الف عافيه ياروح التممي على النبذه

ونتحر جديدكم يبو الياس ويابو حمد

مع تحيات الاكحل

إيه أنت الأول ودوك الروح شاورهـا
أو هي معك .. خلها .. ما عاد تعنيني !

ااااااااااااااااااااااالله عليك ياابو حمد

من جد فن

تسلم مستشارنا العزيز على هذا البحر الذي جعلتنا نبحر فيه وننهل منه كل ما هو جميل في الفرح والحزن ،،

اعتقد بأن الشعر الذي يناجي القلب بالقوة وينادي دموع العيون جديراً بأن يكون مميزاً ولا يختلف عليه إثنين ..


قصائد أبحرت الدموع معها :

أنا ودي أسولف لك بهم اليـوم واللـي راح
ياأجمل هم عايشتـه وقلبـي لـه فتـح بابـه

***


أفقـدك بـدروب المقـاديـر وألـقـاك
وابعـد واقـرب للخـطـاوي محـلـك
.........
بالـروح مرواحـك وبالعيـن مـسـراك
والقلـب عـن شمـس المضـرة يظلـك << رغم قرائتي لها سابقاً إلا أن جمالها يتجدد مع كل مرة أقرأها .. فهذه عادة الجمال دائماً

***

سألتيني من أنت؟ وكيـف سـارت بـك الأقـدام؟
وجيت منين؟ ورحت لوين؟ وليلك دافي أو شاتـي؟
.......
وهذي زبـدة الهرجـة وأنـا مـن عادتـي شـوام
أكمل لك ؟ . . أظن أسكت ! ولك أجمـل تحياتـي


لا عدمناك مستشارنا الغالي وسلم ذوقك وإحساس شاعرنا المرهف صاحب الوصف المميز

ياقلب ..![poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
يا قلب عذبني زماني وعذبك=بين الرجاء والياس تمضي لياليك

صابك سهم وادماك ، والثاني اعطبك=واخفيت عن كل الخلايق مواذيك

والجرح ينزف واشهب اللال يلهبك=والحظ عن عذب الموارد معذيك

يا قلب .. يا قلب الغرابيل ما اصعبك=مالددت كثر المصاعب مساعيك

تمضي بفالك وابيض الحلم يصحبك=مع سكة ً عسره تضيّع هقاويك

ما لوّعك بعد المسافه وهيبك=عزمك على قطع الفيافي مضريك

ملتاع من همًّ يتلك ويشعبك=قلت به احوالك وزادت طواريك

نوبً تدوّر بالشواهيق مطلبك=ونوبً تشوف اقرب رفاعه مراقيك

تريد منجاتك والايام تنهبك=يومً باثر يومً تصاعب مماشيك

سافرت با احلامك وحنيّت مزهبك=ولا بقى بالخرج شيً يخطيك

غير التمني لا التوى بك وطرّبك=يرقى معك راس الطويله ويغديك

ورديت مع همًّ تغشلاك واذهبك=لهّاك عم غالي مرامك بماضيك

تركض روى صوتً بالافاق غرّبك=لا شمّلت جالك من جنوبً يناديك

خلاك بدروب المتاهه وخيبك=والياس بخلافك يبيعك ويشريك

يا قلب كان السيل عرّض وجنّبك=وانفاس وقتك باللواهيب تشويك

لا تكترب لو كدّر الوقت مشربك=لا بد ما تصفى المشارب وترويك

واقنع بحظك لو سطى بك وعيبك=لا ، لا يجرّك للمنيه تمنيك

وش لك .. بـ لو .. وليت تطلع لمرقبك؟؟=والله تكفّل بك ،، وغيره يعنّيك[/poem]

* * *

يا راحتي ..
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]

يا راحتي جيتك ، يمينك مدها=خذ غايتي واما صفت لك ردها

جيتك ، وقلبي بالحسايف منتلي=والروح بفراقك حشى ما ودها

بي ضيقة ً عيت تفارق خاطري=حاولت اداريه وانا ما قدها

لكن جروحك بالضماير بيّنت=لين اتلفت روحً بقى لك ودها

محتاج أهيّض لك ، واريدك تستمع=دام الموده ما تبخّـر عدها

القيظ يلهبني وانا في غربتي=غادي عن امالً براسي ندها

إن شفتها بالشرق عني غرّبت=والى نصيت الغرب جاني ضدها

ما غير ادوّج والعزايم قصّرت=الكود حاصرها وضيّع جدها

تدري عن ايامً تمادت بالنكد=دايم تلددني وانا ما لدها

واليوم تهزعني وانا لك مرتجي=إليا ارتخت في الحبال اتشدها

وش بك جرحت الود يا كل الغلا ؟؟=وش بك تلوم النفس وانت تحدها ؟؟

ما قلت لك: خل الصراحه سلمنا ؟؟=ما قلت لك: سود النوايا صدها ؟؟

هذي جروح العام عادت وانزفت=وذي جروح اليوم بيدك عدها

كودك تداويها على قد الجهد=حيثك تميّز هونها من شدها

كلك نظر .. قل لي بحالي وش ترى ؟؟=وان كان زهبّت المطايا شدها

خذ ما تبي مني وعطني مطلبي=والفايته تكفى .. دخيلك هدها[/poem]

* * *

وين شمس المحبه ؟!
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
ليت من يدفن الذكرى وينسى غلاك=كود قلبً شغلته ساعة يستريح

عيّت الروح عيّت ما انتهت من رجاك=باقيً في ثراها من قراحك نضيح

كلما جيت أبشرب من موارد هواك=شفت قلبً طرحته من صوابك جريح

العذاب ارتويته من ثمايل جفاك=والعزاء بك لقيته بالمواقف طريح

من زمان الطفوله ما بقلبي سواك=أنت بالعين ورده ، وانت بالراس شيح

وانت حيي وميتي بين هذا .. وذاك=وانت شمسي وبدري بالزمان الشحيح

وين شمس المحبه ؟؟ أسعد الله مساك=وين بدرً تلالا في فضاك الفسيح ؟؟

ساجي الطرف قل لي: وين دربً خذاك ؟؟=مع وصالً تعذر أو صدرودً صريح

لا تقول ان خطرتك هات علمك وهاك=وانهض اشواقك اللي ينتظرها المطيح

واذبح اللي يودّك وادفنه في ثراك=والموده .. وداعه .. خلها له ضريح[/poem]

* * *

عنيزة [poem=font="Simplified Arabic,5,darkblue,normal,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
سلام يا دارً للاخيار نوماس=سلام يا دارً غلاها سكنها

هذي عنيزه ذكرها يرفع الراس=والمجد منهجها وفيها ومنها

كلً خذا فيها من الطيب مقباس=والعز بمرور الليالي حضنها

فيها قرومً بالمواقف لهم باس=عزمً لهم بالخير يامر وينهى

ربعً بهم حب المكارم بالانفاس=ونفوسهم روس المعالي وطنها

ربعً مع اللازم عديمين الاجناس=وافعالهم ما ينتقدر ثمنها

للجود ماريه وللجهد مقياس=حيث النتايج تروي الحق عنها

من يطلب العليا رخص عنده الماس=والنفس من صدق العزايم شحنها

الحمد لله دارنا دار الاوناس=ما فيهم اللي جهدته مختزنها

بجهود من صاروا للامجاد نبراس=مافيهم اللي جهدته مختزنها

عنوانها .. بنً .. ونجرٍ .. ومحماس=وكلمة ( تفضل ) سرها في علنها

من جالها الشرقي الى حمر الاطعاس=جور المذله لا حشى ما قطنها

غصن الوفاء فيها على الطول مياس=غصنً يذرّي بالغلا من سكنها

جيلً ورى جيلً لها العز هوجاس=و اولادها كسب الطويله سننها

ذا طبعهم ، ما ني مجامل ولا دلاس=كلً لعز الدار نفسه رهنها

يا لابتي في حبكم هب نسناس=من شاعرً فيكم بيوته وزنها

شكراً لكم يا اخل الحميه يا الاشواس=يا نور عينً عز اهلها فتنها[/poem]

* * *

الزمان
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
جيت الزمان اللي نسيته واذكره=في ثوبي البالي وهو دوبه جديد

قلت: انصهر قلبي وقلبك ما اصبره=من نقصي الزايد أشوفك تستزيد

زدني وازيدك واصلب العود اكسره=ما ارجي وعودك لا حشا ما خشى الوعيد

ما همني سيفً بوجهي تشهره=مالك معي حق ولاني لك طريد

وش حدني كسرك ألمّه واجبره ؟=وش بيننا ؟ وش عندنا ؟ لا .. وش نريد ؟

وما فلني جورك لو اني ما اقدره=عيا يفارقني وانا راسي عنيد

أحلم وحلمي للمجاهيم انثره=واما رعت به رحت اباريها واعيد

يمكن يقابلني ضناها واشكره=أشقح يحث خطاه بالعلم الحميد

سيري على درب الرجاوي ما كثره=انهل عطش وارويه بعيون القصيد

وآطى على صوت الندامه وانهره=واطفي لظى الرمضا بتقريب البعيد

قاع الثرى يشكي والومه واعذره=في وطية اقدامً شكت قيد .. وقيد

تمشي مع البيدا واثرها تقبره=با غفاية الونه وترديد النشيد

تدري ، وانا ادري ، أجمل العود اخضره=واما حصل لي فالتمني ما يفيد

ما خشى طريق الكود ما دمت اعبره=واخشى دوام الباس ، والدايم شديد

لو عادني جورك فلا عاد احذره=دامه دهى غيري ولاني به وحيد

جيتك من زماني واجرد الثوب انشره=باللي نسيته .. لو ذكرته لي مجيد[/poem]

* * *

الحلم القديم[poem=font="Simplified Arabic,5,darkblue,normal,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black"]
جيتك من اعماق الليالي من الصمت=أرسم لك الحلم القديم ان نسيته

يوم انت بثياب المحبه تنعّمت=والقلب من ضافي حنانك كسيته

تقول علمني من اللي تعلمت=واقول: زدني من كلام بديته

وافهمك بالنظره ولو ما تكلمت=حيث الهوى طبعي ، وطبعك لقيته

أيامنا خضرا وفيها تعشمت=أنظر بها زرع بحبك سقيته

تبسّمت عين الرجاء من تبسمت=واثر الليالي لجلنا مستميته

وارعاك كنك لاسود الياس حطمت=ما قلت قلبي عن غرامك نهيته

لزّمتني حبك وانا فيه لزّمت=حسيت بأحساسك وقلبك نصيته

حصلت به حلو النغم ، به ترنمت=واحساسه الصادق بروحي رعيته

واجاوب انغامه وانا ما تلعثمت=وارجي وصالً من زمان ارتجيته

هذا قديم الحلم ؟ ولا توهمت ؟؟=مدري نسيت احلاه ولا وعيته ؟؟[/poem]

* * *

مشتاق لك بالحيل ..![poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]

مشتاق لك بالحيل وش لون اباصلك ؟؟=وظروفنا يا متعة البال عيت

أدري شعورك حولي اليوم ينقلك=والفرصه اللي ترتجي ما تهيت

ما ادري شغلت الوقت ولا انه أشغلك=حتى تعذر فرصة ً به تفيت

كان الجفاء يفرح بوصلك ويقبلك=معذور لو نفسي بطرياك حيت

واشوف غربلني هوانا وغربلك=لا عاد ما ادري داعب الشوق أيت

لي قلب با اشواقي تقلب وطاولك=من صار هم النفس عندك مبيت

ما حلاه من همً نصاني وفضلك=وارتاح مع حبً بقلبً مهيت

واشتاق لك بالحيل واخطاي تاصلك=وظروفنا يا جارح القلب عيت[/poem]

* * *

مستريح البال
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]


مستريح البال: والله ما استرحت=هذي ايام الشقاء لي فوّحت

جيت لك ضامي وبالشوق انلفحت=خطوتي من طول الاسفار امّحت

ودي ابدي لك شعورى لو سمحت=كلمة ً لجلك بروحي سرحت

شلتها لك في خفوقً به رجحت=عبرة ً دامت بصدري واذبحت

بينت لك ، بس انا لك ما وضَحَت=والمشاعر في سماها جنـّحت

بالخيال أمسيت وبجوه سبحت=احسب أني فوق والدنيا تحت

والصحيح اني مع الهم انطرحت=لين الافراح الحزينه لوّحت

رحت أقول انك دواء يوم انجرحت=هذي آمالي بعد غيبه صحت

أستمع مني تراني ما استرحت=آهتي لك بينت ثم اشرحت

يوم عن دربي وعن دربك جنحت=لا تقول أن الليالي روحت

لا ، بقى فيها الكثير اما نزحت=تو الاحلام الجديده ما امرحت

أستباحتني وانا فيها صدحت=وامست الفرحه بعيني واصبحت

بالرجاء سجه ولكن ما انشرحت=بك ظروف الوقت عني طوحت[/poem]

* * *


[poem=font="Simplified Arabic,5,darkblue,bold,normal" bkcolor="white" bkimage="" border="double,4,darkblue" type=3 line=0 align=center use=ex num="0,black"]
مساء الخير يا شمس قلبً وظله ، مساء النور يا كل الليالي=
كسرت الحواجز لشوفك وعيني لديد الكرى لا حشى ما دلها

لقيتك مع الذكريات العذيه وحالي صالها من الشوق صالي=
قديم الغلا لك بروحي تجدد يجاري جرووحً تجدد زعلها

أحسك بجنبي واشوفك قبالي واعلي بحبك مباني خيالي=
واسامر معك كل نجمه وغيمه ترى في بقايا غـزلـنـّا غزلها

تلطف ، تكرم ، وقل ما بدا ، ترى كل شي بدا لك بدالي=
ترى كل الجرح جرحك ، ترى كل الطب طبك واحاسيس قلبي غرامك نهلها

وردد سواليف حبً قديمه بقت في مجالك وصارت مجالي=
هبوب الليالي مضى ما محاها وسيف الجفاء بيننا ما قتلها

وخذ ما تبي من ضمير يودك لك الأمر كله من اول وتالي=
غرست المحبه وقلبي سقاها وقلبك قطف وردها مع نفلها[/poem]

* * *
متى تجي لي ؟
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
متى تجي لي ؟ والسهر وانت ميعاد=متى تجي واحساس قلبي تشده

واروح انا واياك لبلاد .. وبلاد=وبلادً امست لجلنا مستعده

صافي هوانا فيه الاشواق تنقاد=من حالي انهار المحبه نمده

متى تجي ؟ بعدك مضى عيد واعياد=وباب السهر عجزت عيوني ترده

كان السهر دربك مشيته ولو كاد=وش عاد لو سهرت عليك العين مده ؟؟

أرجيك ، ثم ارجيك تلويع .. واسعاد=واحلام شوفك بالرجاء مستعده

والشوق يضميني وانا فيه ورّاد=والوقت بلعب بجـزره ومده

يا متعبً قلبي بترديد الاوعاد=تعاقبت بالقلب ضيقه وشده

واصبحت من شانك مع الوقت بجهاد=أحصيه واغلط فيه .. وارجع واعده

بالعين لك بارق وبالقلب رعاد=والروح زمّت لك سحاب الموده

متى تجي ؟ خطفه معايدً وعواد=تنشد عن اللي جاه قلبه .. ورده

رديت لك قلبً لذكراك يرتاد=يسري مع الماضي بهزله .. وجده

أمس ولك في نجد مدهل ومقعاد=واليوم تذكر لي حراويك جده[/poem]

* * *

ما ودي انشد
[poem=font="Simplified Arabic,5,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
ما ودي انشد واقول اليوم: وش لونك ؟؟=لو كان قلبي على شانك يعذبني

ادري بدعوى الجزع من نظرة عيونك=واحسها كل ما شفتك تخاطبني

ليت الموده تبعدني عن ظنونك=ولا الصراحه بمبداها تعاتبني

ما تدري اني معك ما عايشً من دونك ؟؟=وان كانك اخطيت فاسمح لي وحاسبني

أرضيك ، واغليك ، لا والقلب مرهونك=لو شفت الايام عن غيرك تغربني

وارضى بهم يزج الروح بسجونك=فانت الذي من جميع الناس معجبني

ومهما يجور الزمن ما اقول لك عونك=وارتاح من راحتك والوقت غالبني

يا سيدي ما ارتجيت الناس يرضونك=وانت الذي للرضاء دايم ترغبني

أضحك وخل النكد للي يحسدونك=ما ودي الهم يسرح بك ويتعبني

أنا سعيدك ، وميعادك ، و محزونك=وانت الذي بس تحزني وتطربني[/poem]

**جميع القصائد المسجلة هنا في هذا الرد كتبها ابن الشاعر حمد وأرسلها إليّ بالبريد فله كل الشكر والتقدير**

[poem= font="Simplified Arabic,5,royalblue,normal,normal" bkcolor="white" bkimage="backgrounds/18.gif" border="double,4,purple" type=0 line=0 align=center use=ex num="0,black"]
سلام يا دارٍ للاخيار نومـاس
سلام يا دارٍ غلاهـا سكنهـا
هذي عنيزة ذكرها رافع الراس
والمجد منهجها وفيهـا ومنهـا [/poem]

يااملااا العاافيه اخوي التميمي مجهود كبير وله ثمن طيب ....
لك اطيب التحاايا

[poem=font="Simplified Arabic,6,darkblue,normal,normal" bkcolor="white" bkimage="" border="double,4,darkblue" type=2 line=0 align=center use=ex num="0,black"]
مرامي العليا منوّل وهالحين=أترك هماج الما وأدوّر زلاله

ماني من اللي بالمذلة حريّين=ولاني من اللي يدّعون الشكاله

أنا من أحرارٍ قرومٍ ميامين=على الوفا نهجي وصدق المقاله

وأنا وسيع بطان صدري ميادين=طويل بالٍ ما بقلبي حياله

أسكت عن الزلات مره وثنتين=والثالثه ماعاد فيها جماله

يعرفني القاصين من قبل الأدنين=إن الوفا طبعي وأنا أيضا مجاله

أضرب بسيفي وأفرق الشين والزين=وأخلي العالي مكانه نعاله

تغطلس الدنيا ولا أسمع منادين=واللي يصير إن صار مالي وماله

مثلك ترى ماله بقلبي موازين=يالتايه اللي ما بعقلك دلاله

عجّلت بأحكامك مع المنطق الشين=طاوعت من غرّك براي الخماله

جرحتني مع جرح الأيام جرحين=حملت ما يصعب علي احتماله

لا نلت بي دنيا ولا نلت بي دين=ولا نلت بك غير العنا والفساله

ماعاد بك ميزٍ ولا عاد لك عين=تدرك يمين الحق وإلا شماله

ذكر الفتى يبقى لو الناس فانين=واللين مطلب والتزرّف جهاله

مرّيت بالدنيا بالاعسار واللين=وسايرت معوجّ الزمان وعداله

واخترت ميدان المراجل عناوين=ورفعت نفسي عن نديم السفاله

ماهمني من قال أنا مين ابن مين=خبلٍ كثر هذره وقلّت فعاله

ولا همني ناسٍ تحوش الملايين=لا صارت أرياها تروم النذاله

نعم .. أنا السلطان وابن السلاطين=حيٍّ وابن حيٍّ كلامه عقاله

لي قيمتي ياهيه ياابن العزيزين=والعز مدهالي ولا أرضى بداله

رجال بي شيمه نظيف المضامين=ماارجي هبيلٍ يستخفّه رياله

يافاقد التدبير وينك وأنا وين=اعرف حدودك لا تزيد الضلاله

بيّنت لك بعض المشاعر بسطرين=والباقي أدفنهن بجوف الرساله

من شان ما تخفى عليك الموازين=الشاهد الله جنّبتك العداله[/poem]

كحلت عين البال

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وقفت أنا ضايق على باب فرقاك=ليتك من إحسانك وفضلك تصكه
مابيك تنساني وأنا مقدر أنساك=مادام لي قلبٍ همومك تدكّه
ما أغلاك يا همٍّ جمالك برجواك=غديت لي سلوة وسيرة وسكه
بين التمني والحسايف مراعاك=وآمال تغديني بحية وتكّه
كحلت عين البال بأطياف ذكراك=بالٍ صفا لك ما بقى فيه شِكّه
أسعد إلى شفتك سعيد بدنياك=لو كان همّ الوقت بالي يركّه
وإن كان همّي ياهوى البال سلواك=زوّد هموم القلب تكفى .. وبكِّه
قلبٍ سجنتهانتشى بك وغنّاك=ياللي سجنت القلب لا لا تفكّه
أمس فيافي نجد ظلك ومرباك=واليوم علمك بين جده ومكه[/poem]

قال روح التميمي :

والبيت الأخير يذكرنا ببيت آخر من قصيدة قديمة لأبي حمد , وهو :

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمس ولك في نجـد مدهـل ومقعـاد=واليـوم تذكـر لـي حراويـك جـده[/poem]

ويبدو أن أباحمد لا يزال (يحوس) بين مكة وجدة ..!!


ولكم تحياتي

مدارسها تجاربها

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا ياشايل همك على راسك بقيل وقال=سبب وقتٍ تعرض لك ومنك الحال صوبها

ترفق وامسح أحزانك بطول البال وطيب الفال=ترى دنياك ماتسوى دموعٍ صرت ساكبها

دخيلك لاتعنيني تراني نازلٍ رحال=من أيام تولجني .. تحاربني واحاربها

أنا مانيب لا كامل ولا من حسبة الجهال=أنا مثلي مثل ناسٍ مدارسها تجاربها

شريت وبعت بأحلامي بلا مكتب ولا دلال=ولا حسبت كلفتها ولا أدري وش مكاسبها

وإلى مالت بي الدنيا وحالي من سببها مال =بديت أستجمع أفكاري .. وأعاجيها وارتبها

وأشوف النور قدامي لو إني بالدجى نزال=وأرد النفس عن ياسٍ يضيعها ويغلبها

أعيش اليوم وأسعد به وأردد للسعد موال=حياتي بسمتي لحظه قبل تركب عقاربها

واشوف الناس من حولي أحد ناقض وأحد فتال=وأحد يبني وأحد يهدم وأحد رجليه متعبها

وأحد يشقى بمصروفه وأحد يشقى بجمع المال=وأحد يشقى على غيره وأحد نفسه مطربها

حرام أعمارنا تمضي بهم وضيق مع غربال=مع أوهامٍ تحاصرنا بذل أنفس نخاطبها

نجي ونعالج أخطانا بشور التايه العذال=ونبقى في يد الحيره ضمايرنا نعذبها

نقول الكلمة العوجا ونسمع هرجة القوال=وحاكمنا عواطفنا .. تسيرنا مطالبها

نسير الدرب ونخطي به ونضرب في بعضنا أمثال=ونصدر حكمنا الجاير على ناس نشاربها

وننسى حالي المشرب ونذكر فاضي الفنجال=ونذكر ليلةً غدرا ولا نذكر كواكبها

كثير الناس من وقته شكى لو هو مريح البال=ألا ياليت من يدري من أيامه مصاحبها [/poem]


* * *


لله درك عبدالله ..!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
باسم الذي جاد بالأفضال والمنن=ثم الصلاة على من جاء بالسنن
والحمد للواحد المعبود بارئنا=كما يليق به سرا وفي العلن
جاد الإله علينا من فضائله=بقائد عادل .. فذٍّ .. ومتّزن
لله درك عبدالله من ملك=أخلصت للدين والإنسان والوطن!
في كل قلبٍ حباك الله مملكة=بالحب عامرة تدعوك للسكن
أنت الأمين علينا بعد خالقنا=جُزيت خيرا بنا يا خير مؤتمَن
ندعو لك الله في الأسفار والظُّلَم=يحميك من فتنة الأشرار والمحن[/poem]